Defensuria popolara

L’aucata dut.a Gabriele Morandell ie nasciuda tl 1968 a Kaltern, la sta a Persenon, ie marideda y à trëi mutons.

Do l stude de giurisprudënza al’Università de Dispruch: abilitazion a mené l liber fundier, abilitazion d’aucata, abilitazion de secretera de chemun.

Dal 1995 al 1998 meinela l Ufize legal y cuntrac dl chemun de Ciastel – tl zënter ie l’elaburazion de cuntrac y la consulënza giuridica di organns y dl’aministrazion te si raions defrënc.

Dal 1998 al 2001 lëurela sciche aucata y diretëura dl Ufize legal dla Università Liedia de Bulsan. L’atività tol ite la reprejentanza legala dla Università dan sunieria y la consulënza legala per l’aministrazion universitera y la faculteies.

Dal 2001 al 2014 iela vizesecretera generela dl chemun de Persenon. La fej consulënza giuridica per i organns, lëura ora decrec , ie respunsabla per l personal, l ajurnamënt prufescionel, l svilup dl personal y dl’organisazion, l’elaburazion eletronica di dac, la inuvazion, i servijes demografics, l’economia.

Ai 14 de lugio 2014 vëniela numineda defensëura zivica dla Provinzia de Bulsan Südtirol. Furmazions tla comunicazion, tl mené cunversazions, tla gestion dl personal, tl manejamënt de cunflic y tla mediazion, curs de Public Managment. Cunlaurazion coche revisora di conc tla lia “Jugendhaus Kassianeum”.

Chësta lia ie ativa tl ciamp dl lëur per la junëza y aministrea i cater hostels per i jëuni tl Südtirol.

De bona cunescënzes dl ladin Fedom.